Chabad Library · The Rebbe
Igros Kodesh·
אב'תשז
בב"ה, ה' סיון, תשי"ד
גברוקלין.
דהוו"ח אי"א נו"נ עוסק בצ"צ באמונה
המר א. שקלובסקי שי'
ושלום וברכה!
זזיינער צייט האב איך באקומען אייער בריף - אן דעם דאטום פון שרייבען, אין וועלכער איר באשרייבט דעם מצב אין דעם בית הכנסת חב"ד בפתח תקוה, און איך בין געווען צופרידען צו באקומען צוגאב ידיעות, אז דער מצב בעסערט זיך, און איך האף אז עס וועט גיין מחיל אל חיל.
חזעלבסט פארשטענדליך אז צו יעדער זאך מאנט הקב"ה אז עס זאל געטאן ווערען אויך בדרך הטבע, וואס אין די ענינים פון בית הכנסת ובית המדרש ווענדעט זיך דאס אן די גבאים, און ווען מען טוט איז מען דענסטמאל זיכער, אז עס וועט זיין די ברכה פון השם יתברך, ווי עס איז זיין הבטחה, וברכך ה' אלקיך בכל אשר תעשה,
טאון בפרט ווען עס האנדעלט זיך וועגען לזכות את הרבים, און בפרטי פרטיות, ווען עס רעט זיך וועגען א בית הכנסת חב"ד, וואס נשיאינו הק' האבען זיך מוסר נפש געווען אויף אנ"ש, אז די בתי כנסיות חב"ד זאלן האלטען אין וואקסען און גרעסער ווערען, און זאלען דינען לויטן מאמר רז"ל, אלעס א מקדש מעט, פון וועלכען עס זאל זיך אויך אויסשפרייטען ליכטיקייט און ווארימקייט אין די הייזער פון די בית הכנסת באזוכער.
יאון עס איז גרויס דער זכות פון דעם וואס מן שמיא קא ממנו לי' צו זיין א גבאי אין אזא בית הכנסת, צו קענען מלא זיין דעם רצון פון נשיאנו הק' אין דאס אויבענדערמאנטע, און איך האף צו הערען פון אייך גוטע בשורות אין דעם.
יאאון אין די טעג פון פאר מתן תורה, וואס דער מדרש זאגט אז עס האבען געמוזט זיין אלע ששים רבוא אידען, און ווען עס וואלט געפעלט אפילו נאר איינער, וואלט דאס געווען א אפהאלט צו געבען די תורה הק', זאלט איר זיך שטארקען אין אלע מינים פון השתדלות, צו מקרב זיין וועמען עס לאזט זיך נאר צו מקרב זיין צו תורה ומצות, וואס דורך דעם נעמט מען די תורה און אויך דעם נותן התורה, און לויט דעם מאמר רז"ל אז די התחלה פון מתן תורה איז דאך דער ציווי אנכי, וועלכע זיינען די ראשי תיבות: אנא נפשי כתבית יהבית (שבת ק"ה ע"א, תניא פרק מ"ז).
יבבברכה - בנוסח כ"ק מו"ח אדמו"ר זצוקללה"ה נבג"מ זי"ע - לקבלת התורה בשמחה ובפנימיות, לו ולכל מתפללי בית הכנסת חב"ד. המחכה לבשו"ט.
יגב'תשז
נדפסה בלקו"ש חט"ז ע' 713, והושלמה ע"פ העתק המזכירות.
נדפסה בלקו"ש חט"ז ע' 713, והושלמה ע"פ העתק המזכירות.