Chabad Library · The Rebbe
Igros Kodesh·
או'קלט
בב"ה, כ"ה אדר, תשי"ח
גברוקלין.
דשלום וברכה!
האין ענטפער אויף אייער בריף פון כ"ב אדר.
וווען דו וועסט שרייבען די אידישע נעמען מיט זייער מוטערס נאמען פון די אלע וועלכע דו דערמאנסט אין דיין בריף, וועט מען זיי מזכיר זיין אויף דעם ציון הק' פון כ"ק מו"ח אדמו"ר זצוקללה"ה נבג"מ זיע, יעדערן צו דעם וואס ער נויטיגט זיך, און בפרט דיין גראס מוטער צום געזונט בעסערונג.
זאבער מען דארף ניט אויסנעמען קיינע באדינגונגען מיט השם יתברך, אז צוערשט זאל ער באגליקען אין דעם אדער צווייטען ענין און ערשט דערנאך וועט מען ווערען פרום, ווארום זיין פרום מיינט צו אפהיטען תורה ומצות, וואס דערמיט טוט מען א טובה, ניט השי"ת נאר טאקע זיך אליין און דער פאמיליע סיי בגשמיות און סיי ברוחניות, במילא האט דאך ניט קיין ארט צו זאגען, אז איך וויל ניט די טובה ח"ו סיידען מען זאל מיר טאן נאך א טובה, און האפענטליך וועסט דו קענען דאס ערקלערען צו די וועגען וועלכע די שרייבסט, און בפרט דו אליין וויבאלד דו לערנסט אין ישיבה, דארפסט דו לערנען מיט מער התמדה ושקידה און מקיים זיין מצות בהידור, וואס דורך דעם נעמט אן השם יתברך די בקשה וואס מען בריינגט צו עם און ערפילט זיי אין א גרעסערער מאס.
חזיכער ווייסט צו פון דער תקנה, צו זאגען דעם שיעור תהלים חדשי - ווי דער תהילים איז פארטיילט אויף די טעג פון חדש - יעדער טאג אין דער פריה נאכן דאוונען, און אלענספאל זאלסט דו טאן אזוי פון איצטער אן און ווייטער.
טבברכה,
יבשם כ"ק אדמו"ר שליט"א
יאמזכיר