Chabad Library · The Rebbe
Igros Kodesh·
אג'תתפה
בב"ה, ט"ו מ"ח, ה'תשט"ז
גברוקלין, נ.י.
דאל אחינו בני ישראל חובבי ומוקירי תורה
הומצוה
וה' עליהם יחיו
זשלום וברכה!
חדערמיט שיק איך מיין ברכה צו אלע עסקני הישיבה, מיטהעלעפר און אנטיילנעמער אין דער צוגרייטונג פון דער יערלעכער פייערונג פון מרכז הישיבות "תומכי תמימים" ליובאוויטש, וואס דארף פארקומען אי"ה ביום א' ויגש, ג' טבת הבע"ל.
טאיך באגריס די פריינט פון די ליובאוויטשער ישיבות אין צוזאמענהאנג מיט דעם זכות וואס זיי האבן זוכה געווען צו האבן א חלק אין דער אונטערשטיצונג פון איינער פון די גרעסטע פעסטונגען פון תורה ביראת שמים פון אונזער צייט.
יצוזאמען דערמיט שיק איך מיין אויפרוף - לויט דעם מאמר רז"ל אין מזרזין אלא למזורזין - און אונטערשטרייך דעם באזונדערן חוב וואס עס ליגט אויף די אלע וועלכע פארשטייען די לעבנס-וויכטיקייט פון א ישיבה בכלל, און די ליובאוויטשער ישיבות בפרט.
יאווי אלע ענינים פון תורה און מצוות, דארף זייער ארבעט פאר די ליובאוויטשער ישיבות זיין בזריזות, און ווי עס איז באוואוסט די מעלה פון זריזות וואס אברהם אבינו האט איינגעפלאנצט אין אלע אידן עד סוף כל הדורות, און זי דארף זיין אין א שטייגענדער מאס, ווי יעדע לעבעדיקע זאך, וואס דער סימן פון חיות איז אין וואקסן און אנטוויקלען זיך.
יבוכמרז"ל - מעלין בקדש.
יגבפרט ליגט א באזונדערער זכות און חוב אויף די ראשי - העסקנים, די טאן געבער און וועג-ווייזער, די עושים ומעשים, וואס פון זיי הענגט אפ, אין א גרויסער מאס, די הצלחה פון א ישיבה-אונטערנעמונג.
ידזיי דארפן און מוזן שאפן די נויטיקע תנועה פון איבערגעבנענהייט און מסירות נפש, אז יעדער איינער זאל טאן זיין פליכט לויט זיינע כחות, די אפענע כחות און די באהאלטענע כחות, און אזוי ארום פארזיכערן די וויטערדיקע עקזיסטענץ און אויסברייטונג פון מרכז הישיבות תומכי תמימים ליובאוויטש.
טואנערקענענדיק דעם גרויסן זכות און דערפילנדיק דעם הייליקן חוב, וועט יעדער איינער זוכה זיין צו דער ברכה פון כ"ק רבותינו הקדושים, די גרינדער פון דער ישיבה תומכי תמימים ליובאוויטש, וועלכע זיינען שטענדיק מעורר רחמים רבים פאר די שטיצער פון דער ישיבה.
טזלברכה המשולשת בבני חיי ומזונא רויחא, נוסף אויף דער ברכה פון - ותומכי' מאושר.
יזבברכת הצלחה בכל הנ"ל.
יחג'תתפה
נדפסה בלקו"ש חכ"ד ע' 479.
נדפסה בלקו"ש חכ"ד ע' 479.