Chabad Library · The Rebbe
Igros Kodesh·
אח'תשסט
בב"ה, ערב שבת- קודש מברכים אדר,
גברוקלין, נ.י.
דפ' משפטים ופ' שקלים, תשכ"ד
הצום יערלעכן באנקעט פון דער ליידיס אקזילערי פון
ובראנזוויל און איסט ניו-יארק פאר די ליובאוויטשער
זישיבות תומכי תמימים,
חשלום וברכה!
טאין צוזאמענהאנג מיט דעם יערלעכן באנקעט, י' אדר הבע"ל, שיק איך מיין וואונטש און ברכה צו אלע מיטהעלפער און אנטיילנעמער תי'. דער אויבערשטער זאל העלפן, אז די אונטערנעמונג זאל זיין מיט גרויס הצלחה אין אלע הינזיכטן.
ידי סדרה פון דעם שבת - פ' משפטים - איז א פארזעצונג פון מתן-תורה, ווי אונזערע חכמים, זכרונם לברכה, זאגן אויף די ווערטער ואלה המשפטים, אז דער "ואו" איז א הוספה און המשך.
יאאויך די סדרה תשא, וואס מען לייענט פון איר דעם שבת די פרשת שקלים, דערמאנט אונז מתן תורה, ווען דער אויבערשטער האט אונז געגעבן די צווייטע לוחות.
יבבא מתן תורה זיינען אידן געווארן אמת פריי דורכדעם וואס זיי האבן גענומען אויף זיך צו זיין עבדי ה' - צו דינען דעם אויבערשטן אליין. און דעריבער איז דער ערשטער ענין וואס די סדרה משפטים באהאנדלט גלייך פון אנהויב פון אנהויב - דער ענין פון אן עבד עברי, א אידישער קנעכט, און ווי אזוי א איד זאל ניט וועלן זיין פארשקלאפט צו א צווייטן, און זאל ניט וועלן זאגן אהבתי את אדוני.. לא אצאחפשי - "איך האב ליב מיין האר (מיט אלע וועלטלעכע באקוועמלעכקייטן)... איך וויל ניט ארויס אויף דער פריי" - נאר זאל דווקא וועלן זיין פריי צו דינען דעם אויבערשטן אליין. און דערפאר זאגט די תורה, אז א איד וואס וויל בלייבן א קנעכט צו א צווייטן קנעכט, דארף מען דורכבויערן זיין אויער, דעם אידישן אויער וואס האט געהערט דעם ג-טלעכן אנזאג ביים בארג סיני: כי לי בני ישראל עבדים - "אידן זיינען מיינע - ג-ט"ס - קנעכט".
יגא לעבעדיקער מוסטער פון אן עבד ה' איז מרדכי היהודי, ווי די מגילה פון פורים דערציילט אונז: ומרדכי לא יכרע ולא ישתחווה - "מרדכי קניט ניט און בוקט זיך ניט" צו המן "ען מיט זיין עבודה זרה.
ידצו דערציען א "מרדכי פאלק" (עם מרדכי) קען מען בלויז דורך א תורה טרייען חינוך, א חינוך על טהרת הקדש, וואס דאס איז דער צוועק און די אויפגאבע פון די ישיבות "תומכי תמימים" ליובאוויטש, וואס ווערט אנגעפירט ב"ה מיט גרויס הצלחה.
טואון גרויס איז דער זכות פון יעדן איינעם און איינער וועלכע האבן א חלק אין דעם.
טזהשם יתברך זאל אייך מצליח זיין איר זאלט פארזעצן אייער גוטע ארבעט אין א פארגרעסערטער מאס, און בזכות זה וועט איר אויך געבענטשט ווערן אין א פארגרעסערטער מאס, אין אלץ וואס איר און אייערע בני-בית שיחיו נויטיגען זיך, בגשמיות וברוחניות גם יחד.
יזבברכה להצלחה ולבשורות טובות
יחמ. שניאורסאהן
יטח'תשסט
נדפסה בלקו"ש חי"א ע' 291 והושלמה עפ"י צילום האגרת.
נדפסה בלקו"ש חי"א ע' 291 והושלמה עפ"י צילום האגרת.
כאונזערע חכמים: שמו"ר פ"ל, ג. פרש"י עה"פ.