Chabad Library · The Rebbe
Igros Kodesh·
אט'תקז
בב"ה, יום א' לס' בהעלותך את הנרות, ה'תשכ"ח
גברוקלין, נ.י.
דאגודת נשים דבראָנזוויל ואיסט-ניו-יאָרק
הה' עליהן תחיינה
וברכה ושלום!
זהיי-יאָר ווערט דער יערלעכער לאָנטשאָן אָפּגעהאַלטן באַלד נאָך שבת פ' בהעלותך, און אויך דער דאָזיגער בריוו געשריבן אין דער וואָך וואָס איז פאַרבונדן מיט דער דאָזיגער פרשה פון "אָנצינדן די ליכט".
חבכלל זיינען פאַראַן דרייערליי ליכט אָנצינדן:
טדי ליכט פון דער מנורה אין בית המקדש – וואָס די דאָזיגע מצוה איז געגעבן געוואָרן צו אהרן און זיינע קינדער די כהנים. אָבער די ליכט האָט מען אָנגעצונדן נאָר אַזוי לאַנג ווי דער בית המקדש האָט עקזיסטירט.
ידי ליכט פון חנוכה – וואָס די מצוה איז געגעבן געוואָרן צו אַלע אידן, אין אַלע צייטן, און ווערט אָפּגעהיט אַלע יאָר, אין די אַכט טעג פון חנוכה.
יאנר שבת ויום-טוב – די ליכט וואָס אַ אידישע פרוי צינדט אָן אַלע ערב שבת און ערב יום-טוב, אַ גאַנץ יאָר.
יבוואָס דער ענין פון אָנצינדן ליכט איז צו פאַרשפּרייטן נר מצוה ותורה אור – די ליכטיקייט פון תורה און מצוות, כדי דער אויבערשטער זאָל מאַכן רוען זיין ג-טלעכע שכינה ניט נאָר אין בית-המקדש, נאָר אין יעדע אידישע היים אין יעדע אידישע האַרץ.
יגאון דאָ ווערט ווידעראַמאָל אונטערשטראָכן דער וויכטיגער אָרט וואָס די אידישע פרוי פאַרנעמט אין ליכטיג מאַכן די היים מיט דער ליכטיקייט פון תורה און מצוות, כדי די היים זאָל זיין אַ היים פאַר דער ג-טלעכער שכינה. דאָס אונטערשטרייכט אויך די וויכטיקייט פון אייער אַרבעט צו שטיצן די הייליגע מוסדות התורה פון ליובאַוויטש, וואָס גיט אייך אַ חלק אין דער גרויסער און פאַרצווייגטער טעטיקייט פון די ליובאַוויטשער תורה-מוסדות.
ידויהי רצון, אַז דער זכות זאָל אייך אַלעמען ביישטיין, אַז די יערלעכע אונטערנעמונג זאָל זיין מיט גרויס הצלחה, און יעדע איינע פון אייך מיט אייערע בני בית – שיחיו – זאָלן געבענטשט ווערן אין אַלץ וואָס מען נויטיגט זיך, מידו המלאה הפתוחה הקדושה והרחבה.
טובברכה להצלחה ולבשורות טובות,
טזמ. שניאורסאהן